ماڵپه‌ڕی کوردستانه‌که‌م هانی: ژیانی ناو هۆتێل خۆش نییە، دەمەوێ وەک خەڵکی منداڵێکم هەبێت
نێردراو له‌ لایه‌نPaviel له‌ ڕۆژی June 24 2012 13:31:20
 هانی بەقسەی خۆی هیلاك بووە ئەوەندەی “بێت و بڕوا”. بەهۆی ئەنجامدانی ئیشوكارە هونەرییەكانی زوو زوو لەئەڵمانیاوە دێتەوە كوردستان، بەڵام ئێستا لەهەوڵی ئەوە دایە بە یەكجاری لەكوردستان بمێنێتەوە، هانی بۆ پڕۆڤەكردن بەمەبەستی
سه‌رجه‌م بابه‌ته‌که















هانی: ژیانی ناو هۆتێل خۆش نییە، دەمەوێ وەک خەڵکی منداڵێکم هەبێت
هانی بەقسەی خۆی هیلاك بووە ئەوەندەی “بێت و بڕوا”. بەهۆی ئەنجامدانی ئیشوكارە هونەرییەكانی زوو زوو لەئەڵمانیاوە دێتەوە كوردستان، بەڵام ئێستا لەهەوڵی ئەوە دایە بە یەكجاری لەكوردستان بمێنێتەوە، هانی بۆ پڕۆڤەكردن بەمەبەستی بەشداریكردن لەپڕۆگرامی “شەوی كوردسات” هاتە هەولێر و چاوپێكەوتنێكی لەگەڵ ئەنجام درا و رایگەیاند، ئێستا هەست بەوە دەكات خۆش دەژی “چونكە ترسەكانم شكاوە”.

پرسیار: زۆر كەم كلیپ ئەنجام دەدەی، بۆچی؟

هانی: مەستم ئەوەبوو كە نەمتوانیوە بەدڵی خۆم كلیپ بكەم، ویستوومە ئەو كلیپانەی كە لەكوردستان كراون، هەنگاوێك لەوە زیاتر بنێم، بەراستی تائێستا نەمتوانیوە لەكلیپەكانی خۆمدا ئەو بۆچوون و دیدەی لەمێشكی خۆمدایە بەئەنجامی بگەیەنم، ئەوەیان لەبەر كێشەی ماددی، هەروەها ئەلبوومی “دایك”ـم كرد، دەبوایە بە پەلە كلیپم بكردایە، ئەوەبوو بەهۆی كێشەی زۆرەوە نەمتوانی بیكەم، ئیتر تاكاتێكی زۆر لەم شتەی كە دەتەوێ بیكەی سارد دەبیتەوە.
هەروەها لایەنێكی وا نەبووە وەك كەناڵێك یاخود كۆمپانیایەك پارەیەكم بۆ تەرخان بكات بڕۆم لەدەرەوەی وڵات كلیپ بكەم، من خۆم ئێستا لەئەڵمانیا دەژیم و زۆر شتی جوانم بینیوە، ئیش وا خۆشە شوێنێك هەبێ پێم بڵێ تۆ ئازادی وەكو هانی ئێمە بڕوات پێدەكەین و سپۆنسەرت دەكەین بڕۆ ئەم كارە بكە، بەڵام كێشەكە ئەوەیە لێرە بڕوا بۆ هونەرمەند نییە. ئەوە شتێكی زۆر ناخۆشە.
پرسیار: ئەمساڵ ئەلبوومە نوێیەكەت بڵاودەكەیتەوە؟
هانی: بەڵێ گۆرانی دوو ئەلبوومم هەیە، شتی زۆر لەبیر و هۆشمدایە، دوای دوو سێ مانگ بە ئەنجامیان دەگەیەنم و دەست دەكەم بەتۆماركردن، چونكە بێمەوە بەئیسراحەت دانیشم ئیشەكان بەئەنجام بگەیەنم.
پرسیار: زۆربەی ئیشوكارەكانت لەكوردستانە، كاتی ئەوە هاتووە بە یەكجاری لەكوردستان بمێنیەوە، یاخود هیچ نەبێ بۆ ماوەیەكی درێژ لێرەبی؟
هانی: منیش پێم خۆشە، بەڵام منیش ماندووبووم ئەوەندەی بێم و بچم، هیچ شوێنێكی خۆم نییــــە، هەر لەناو هۆتێل نیشتەجێ دەبم، ئەوەم پێخۆش نییە، منیش پێم خۆشە ئەگەر بێمە كوردستان وەك ژیانێكی ئاسایی و ژیانێكی پرایڤت شوێنێكم هەبێ ئارام بگرم و بتوانم بە ئارامیشە ئیشی خۆم بكەم، وا هەست بكەم ئیتر منیش لەم كوردستانە شوێنێكم هەیە، ئەو شتە تائێستا نەبووە، ئەوەش هۆكاری ئەوەیە كە نەمتوانیوە بگەڕێمەوە بۆ یەكجاری.
پرسیار: سەرەتا كە هاتیەوە بۆ كوردستان هەر لەهەولێر بوویت، چۆنە ئەو ماوەیە رووت لەسلێمانی كردووە؟
هانی: لەهەر شوێنێك جەماوەرم هەبێ و لەهەر لەجێگایەك هانیان بوێت من لەوێم. باكور بێت باشوور بێت، رۆژهەڵات یاخود رۆژئاوا بۆ من هەر یەكێكە، حەتمە لەسلێمانی پڕۆژە هەبووە بۆ من كە لەوێ بم، هیچ شتێكی تایبەتی نەبووە.
پرسیار: وا هەستت كردووە جەماوەرت لەشارێك بۆ شارێكی دیكە جیاوازە؟
هانی: بێگومان، هونەرمەند دیدە لەجەماوەری وەردەگرێت، بەڵام شتێك بەداخەوە دەڵێم ئێمە رەخنەی هونەریمان لەناو كەلتوور و فەرهەنگی كوریدا نییە، یان هەر دەتبەنە سەرەوە و دەتبەنە سەرەوە یەكسەر لەپرا دەتروخێنن، دەبێ ئێمە هەمیشە كۆنگرە دابنێین كە ئایا چ شتێك ئێستا پێویستە لەئێستادا، رەنگە هەموو شەوێك 200 دۆلار خەرجی خواردنەوەمان بێت، بەڵام ئامادە نین 20 دۆلار بدەین بۆ بلیتی شانۆگەری و كۆنسێرتێك، ئەوە پەیوەندی بەحكومەتەوە نییە، لەناو كەلتووری خۆمان سەقەتی زۆر هەیە، هیوادارم گۆڕانكاری زۆر بكرێت.
پرسیار: چۆن پێناسەی خۆت دەكەی؟
هانی: خۆم حەزم لەژیانی خۆمە، هەست دەكەم ئێستا لەم كاتە دەزانم چۆن پلان بۆ ئیشوكارەكانم دابنێم، لەئێستادا خەریكە رۆژانێكی خۆش بەسەردەبەم، لەبەرئەوەی خۆم كردۆتەوە، لەبەرئەوەی ترسەكانم شكاوە، لەوە ناترسم داخۆ لەداهاتوو چی دەبێ، من زۆر بەراحەتی و كراوەیی و باڵێكی بازەوە خەریكم دەژیم. دەبێ جوان بژی و خۆش بژی، بتوانی جوانی ببەخشی.
پرسیار: پێشتر بە قژە كورتەكەی خۆت دەرنەدەكەوتی، چۆنە ئێستا بەم قژە كورتە دەردەكەوی؟
هانی: هەست دەكەم ئەوەی من باسم كرد زۆر فراوانتر بوو لەوەی تۆ باسی دەكەی، بەهەرحاڵ ئەوە بەسەرهاتێكی زۆر گەورەیە بەسەر مرۆڤێك دێت، من دەڵێم بە قەناعەتێكی زۆر گەیشتووم بە ژیان، چۆنیەتی ژیانكردن و فەلسەفەی ژیانكردن.
پرسیار: لەگەڵ خوێندنەوە چۆنی؟
هانی: زۆر دەخوێنمەوە، ئێستا حەزم لەخوێندنەوەی ئەدەبیاتی كلاسیكە، زۆر شتی كۆن دەخوێنمەوەو حەزدەكەم دووبارە بیانخوێنمەوە، حەزم لەخوێندنەوەی مەزهەبیە، بەڵام مەبەستم لایەنە دینییەكە نییە.
پرسیار: خۆت شێوەكاریت خوێندەوە، بۆ رۆژێك پێشانگایەك ناكەیتەوە، هانییەكی شێوەكار دەركەوە؟
هانی: ماوەیەكی زۆر دەستم لەشێوەكاری هەڵگرتووە، هەست دەكەم ئەگەر شێوەكاری بكەم باوەڕناكەم بە كەڵكی پێشانگا بێت، بەس بۆ خۆم و خۆشی خۆم بیكەم، بەڵام هەر رۆژێك دەیكەم.
پرسیار: كێ پەیجەكەت لەفەیسبووك بەڕێوە دەبات؟
هانی: بەداخەوە خۆم پەیجەكەم بەڕێوە نابەم، بەڵام لەداهاتوو پەیجەكەم دەدەمە دەست كەسێكی دڵسۆز بەڕێوەی ببات