AddThis Social Bookmark Button
لە ماوەی رابردوودا، پەرواز حوسێن، تاکە بەشداربووی كورد لە وەرزی دووەمی پڕۆگرامی ئەرەب ئایدڵ،  كلیپێكی هاوبەشی بەهەردوو زمانی كوردی و عەرەبی بەناوی "كل جدید"
بڵاوكردەوە.كلیپەكە لە ماوەیەكی كەمدا بینەرێكی زۆری هەبوو، بەجۆرێك لە تۆڕی ڤیدیۆیی یوتوب لە ماوەی دوو هەفتەدا، نزیكەی 250 هەزار بینەری هەبووە، كە تێیدا كوڕێكی گەنج وەك ئەكتەر لەگەڵ پەرواز بەشدارەو خەڵكیش پرسیاری جۆراوجۆریان لەسەر كەسایەتی ئەو كوڕە لا دروستبووە.بەپێی بەدواداچونی تۆڕی میدیایی رووداو، ئەم كوڕە مۆدێلێكی بەناوبانگی توركییە و ناوی جان پاچەلمانە،  وەك مۆدێل كاری رێكلامی بۆ چەندین بڕاندی جلوبەرگی وڵاتەكەی كردووە.بەپێی زانیارییەكانی رووداو، كلیپەكەی پەرواز حوسێن لە لایەن دەرهێنەری بەناوبانگی توركی تەمەر یایدۆغلو دروستكراوە، كە پێش پەرواز كاری دەرهێنانی بۆ چەندین ئەكتەری بەناوبانگی توركی لە نێویاندا سبیل جان و بڵند ئارسۆی كردووە، لە لایەن دەرهێنەرەكەش وێنەی ئەم كوڕە مۆدێلە لەگەڵ چەندین مۆدێلی دیکە بۆ پەرواز حوسێن نێردراوەو سەرەنجام پەرواز ئەم مۆدێلەی هەڵبژاردووە بۆ ئەوەی وەك ئەكتەر لە كلیپەكەی بەشداری بكات